Sr. Mario Arends di Aruba Tourism Authority ta hopi contento cu e prome Mega Cruise Ship cu lo yega na 2018 y kico tur tin cu bay haci pa logra cu mas di nan lo sigi bishita Aruba.
E trend di mas nobo di e industria ta cu cada biaha e barconan cu nan ta construi ta cada biaha mas grandi y esun di mas grandi awo ta di 360 m. Ta barconan cu ta carga 4 mil pa 5 mil pasahero, sin conta e tripulacion.
Sr. Arends ta sigui splica cu e tin tendencianan den un aña unda cu e calls nan ta bira menos, pero e pasaheronan si ta sigui subi, pa Aruba keda cu su competividad y pa abarco e cruceronan mas grandi, nos mester zorg pa nos infrustructura ta cla pe. Y Aruba ta hopi bon bezig aworaki, cu APA haciendo e trabaonan necesario pa e freedom Class cu nos lo ricibi otro aña. Y den e otro fasenan, sigui prepara pa esunnan di mas grandi, manera e Oasis Class.
Di otro banda, segun Sr. Arends, nan ta traha di hopi di cerca cu Curacao, pa asina e ta mas factibel, ya cu Aruba ta situa hopi zuid den Caribe y e ta tuma un tiki tempo y ta gasta mas fuel pa yega te akinan. Hopi biaha e liñanan crucero mes ta bisa cu nan mester di un otro poort y Corsou aworaki ta construyendo su mega pier cu lo keda cla pa high season. ATA ta traha di cerca no solamente cu Corsou, pero tambe cu hermana isla Bonaire.
Ta hopi importante pa mantene bo mes y sea sigur cu bo ta prepara paso e trend eynan kisas bo no ta wak’e awor, pero si aki 5 pa 10 aña. Lo yega na un punto cu dificilmente cu lo bo por sigui crece y desaroya e industria di crucero. Esey ta e reto cu mester monitor di cerca y eynan nos tin un cooperacion cu APA. Segun Sr. Arends, nan ta hopi contento cu Aruba ta prepara y mester sigui traha ariba e infrastructura pa ta sigur cu nos por tin e capacidad tambe pa por ricibi e cantidad di pasahero.
Poco dia ey Aruba a ricibi 10 mil pasahero y lo kier ta sigur cu bo tin e tur e productonan neceario. Bo tin e tournan, tin e beachnan. Y tur esey ta trabaonan cu mester haci. No soalmente den parti di APA, segun Sr. Arends, pero den e isla mes, den capacidad di touroperatornan, tur esakinan lo mester bay hunto.
Ta riba schedule e Freedom Class, cu ta un crucero grandi, pero no e di mas grandi. Si tin hopi interes, liñanan di crucero ta traha nan schedule te cu 3 aña delanta. Y Freedom Class ta programa pa drenta otro aña na Mei. Nos mester sigura cu nos ta cla pa ricibi e siguiente generacion di barconan mas grandi.
Aruba ta traha hunto cu otro otro destinacionnan, Bonaire, Colombia, Panama. Vooral den e destinacionnan den zuid, nos ta traha hopi cu nan. Pero Aruba como destinacion ta haci su mesun esfuersonan. E ta un acercamento conhunto, y tin tambe un aceramento di bo so.
Tin biaha ta depende di otro destinacionnan pa bo por ta mas efectivo den bo esfuerso pa atrae e liñanan di crucero. Aruba como destinacion, como un marquis- destination, dus un destinaicon importante pa liñanan di crucero, sigur sigur por sigui acapara atencion di e liñanan crucero y Aruba mester haci su huiswerk tambe pa asina nos ta cla pa ricibinan tambe, segun Sr. Mario Arends di ATA.