E aña aki ta e di 60 aña di ASU Olimpiada esaki ta nifica un celebracion grandi. Varios miembronan di e directiva di ASU, dignitario y invitadonan tabata presente na e bunita celebracion aki. Tanto Presidente di ASU, Sr. Gerald Franca y Minister di Deporte, dr. Alex Schwengle a hiba palabra na e ocasion aki. Manera a wordo bisa Aruba Sport Unie tin 60 aña ta contribui na e deporte di Aruba, na e formacion di nos mucha y hobennan pa nan bira un bon cuidadano. Den e añanan venidero deporte lo conoce un otro dimension mientras lo aloca mas placa pa nos atletanan y nan federacionnan deportivo. Mester bisa cu un gran cantidad di federacionnan deportivo a participa na e ceremonia di apertura. E desfile tabata colorido unda varios atletanan a duna un presentacion na e publico presente. E Federacionnan a luci den nan bandera y/of banner mientras e atletanan tur tabata bunita uniforma, e mayoria den nan outfit deportivo. Cada aña ASU ta reconoce diferente atletanan cu den pasado a destaca den nan ramo di deporte,esaki ta un reconocimento y muestra di aprecio na personanan cu a duna nan aporte y dedicacion na e mundo di deporte di Aruba.
Por ultimo, e ekipo di aña 2015, e oncena di Division di Honor di RCA cu nan capitan Roman “Ale” Aparicio a haya e honor pa cende e pebetero y asina inaugura oficialmente e ASU Olimpiada 2016.
Un danki sigur na Lotto, e Loteria di Aruba pa medio di Comision di Subsidio ta yuda subisdia e ASU Olimpiada 2016. Lotto kier a desea tur e atleta, dirigente,coach como tambe e federacionnan deportivo tur clase di exito durante di e ASU Olimpiada 2016.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.