California, MERCA – Astronomonan a descubri un nubia di gas cu un briyo enigmatico situa na 10 miyon aña lus di distancia.
Ta trata di un nubia di gas cu briyante den un grupo di miles di galaxia cu ta cubri un area di 50 miyon aña luz.
Den e cercania di e nubia di gas no tin un otro strea grandi of un otro fuente di luz. Pa e motibo ey tambe cu ta straño cu e nubia ta emiti luz.
Esaki a wordo treci dilanti door di astronomo Americano den un estudio cu lo wordo publica dentro di poco den e revista cientifico Astrophysical Journal.
E nubia di gas recien descubri ta pertenece na e Lyman – alfa nebuloso masivo, cu ta un categoria di obhetonan espacial masha raro. Nan ta nubianan grandi di gas, cu ta wordo forma den espacio entre diferente galaxia. E nubia aki a wordo bautisa cu e nomber MAMMOTH-1.
“E nubia ta emiti un lus masha briyante, nos ta papia aki di un sorto di energia masha fuerte sin un fuente visibel”, segun e astronomo Xavier Prochaska.
Cientificonan ta sospecha cu e nubia ta debe su briyo special na un quasar, un nucleo briyante di un galaxia activo masha distante.
E fuente di lus aki no ta visibel via un telescoop. “Pero mi ta sospecha cu e quasar pa gran parti no ta visibel debi na e stof, cual ta haci cu e lus ta parcialmente visibel”, segun Prochaska.
Fuente: nu.nl