COLUMBUS, Ohio – E astronauta y senador Mericano, John Glenn a muri diahuebs na edad di 95 aña. E tabata pionero den biaha den espacio y despues a bira den e prome hubilado y den e homber di mas edad pa haci’e.
E tabata hospitalisa, un vocero di e Universidad Estatal di Ohio a informa previamente diaranson, cual facultad di Relacionnan Publico ta hiba e nomber di e astronauta. El a ingresa mas di un siman pasa den e centro medico universitario James Cancer Hospital.
Glenn tabata piloto durante e Segunda Guera Mundial y condecorado den varios ocasion. Cu 40 aña el a culmina cu exito un di e misionnan mas importante den historia di aeronautica Norte Americano.
Pa 4’or y 1 di dia 20 di Februari 1962, coronel Glenn a drenta den orbita y 88 minuut mas despues el a completa su prome buelta rond di tera. Na un velocidad di 28.157 kilmeter pa ora, pa awo e cosmonauta a contempla e bistanan espectacular desde e nave espacial pilotea cu su mesun mannan.
Cuater ora y cincuenta y seis minuut mas despues, el a culmina e di tres buelta rond di tera. E minuutnan final di vuelo a wordo sigui cu nerviosismo desde e stacion di Cape Canaveral. E calentamento di e capsula Amistad VII, unda cu e piloto tabata biaha aden, tabata pone den riesgo e exito di e mision. Finalmente e capsula a cay den oceano Atlantico unda cu Glenn a worod recogi den condicionnan perfecto 18 minuut mas despues y a subi abordo di e destructor USS Noa.
Trinti seis aña despues di e mision ey, e lo a bolbe den espacio na edad di 77 aña abordo di Discovery banda di e Spaño Pedro Duque y cinco astronauta mas. Durante nuebe dia Glenn a sirbi di prueba pa midi e efectonan di e ingravides den enbehecimento y el a anima e personanan mayor pa no renuncia nunca na nan soño.
Despues di realisa 83 experimento cientifico y recore seis miyon di kilometer, Discovery a bin bek tera y Glenn lo a bira den e homber di mas edad den biaha pa espacio.
E ex astronauta tambe tabata senador di e partido Democrata a e estado di Ohio entre 1974 y 1999. Barack Obama a condecor’e na 2012 cu e Medaya di Libertad, e distincion mas halto pa un ciudadano di su pais.
Fuente: http://www.lavanguardia.com/