LONDON, Inglatera – Fundado di WikiLeaks, Julian Assange, lo wordo interoga dialuna na e embahada di Ecuador na London, unda cu a yega e representante di fiscalia Sueco, Ingrid Isgren, cu relacion na un supuesto delito sexual di cual e pais aki ta reclama.
Cu un gran atencion mediatico dilanti di e embahada, e fiscal Ecuatoriano Wilson Toainga, ta encarga pa tuma declaracion di e exhacker y activista Australiano di 45 aña, den base na un cuestionario cu a wordo redacta pa e Ministerio di Husticia di Suecia.
E hefe adhunto di e instruccion Sumarial di Fiscalia di Vasteras (Suecia), Ingrid Isgren y inspector di polis Sueco, Cecilia Redell, ta presente den un diligencianan cu ta wordo desaroya na Spaño, cu asistencia di traductornan specialisa.
Na yegada di Isgren awe mainta, e legacion Ecuatoriano na London a wordo ricibi pa un grupo di periodista, camara y fotografo, caminda cu e no a haci ningun declaracion.
Assange, kende ta rechasa e acusacionnan, tin mas di cuater aña asila den e edificio aki, unda el a tuma refugio riba un termino di un largo proceso hudicial na Reino Uni, cu a dicta na fabor di su entrega na Suecia.
Augustus ultimo a prescribi tres di e cuater cargonan sexual, caminda cu Stockholm a reclama e activista (dos di acoso sexual y uno di coercion ilegal), tras di cinco aña despues cu supuestamente el a tuma luga.
E acusacion mas grave, cu ta involucr’e den un violacion “den grado menor” ta na un hoben mientras cu e tabata drumi, ta sigui vigente te cu 2020.
E periodista ta rechasa di wordo entrega na e pais Scandinavo, pues e tin miedo cu Suecia eventualmente extradit’e pa Merca, unda e por afronta un huicio militar pa e miles di mailnan diplomatico riba e siguridad di Gobierno Mericano revela pa WikiLeaks.
E interogatorio na e embahada mester a tuma luga inicialmente dia 17 di October, pero el a wordo posponi riba peticion di e propio Assange, kende a alega e tepmo ey “rasonnan di garantia di proteccion y defensa di su persona” pa pospone e entrevista.
Fuente: NTN24