Asistencianan di Polis na Boneiro, Kiebronan, destrukshon i aksidente

0

Boneiro: Riba djabièrnè 24 di mart a drenta keho di kiebro den un akomodashon turístiko situá na Bulevar Gobernador Nicolaas Debrot. A bai ku entre otro sèn kèsh. E kiebro a tuma lugá  riba djaweps 23 di mart entre 8 or di mainta i 12 or di mèrdia. Mas lat riba e mesun dia a drenta keho di destrukshon di un outo. Ta trata di un pikòp ku tabata stashoná na e lugá di stashoná patras di misa di Playa. Entre otro e dèshbòrt tabata destruí i tambe a plama tur kos den e outo. E destrukshon a tuma lugá entre1 or i 4 or di atardi. Riba djasabra 25 di mart a drenta keho di kiebro den un kas situá na kaminda Tras Montaña. A bai ku entre otro un televishon i un radio.  E kiebro a tuma lugá entre djadumingu 19 di mart pa mas o ménos 4.30 or di atardi i djasabra 25 di mart pa mas o ménos 9 or di anochi. Riba djadumingu 26 di mart, alrededor di 00.30 or di mardugá, un aksidente a tuma lugá riba Hanchi Amboina. E shofùr di e outo su pianan tabata pega den e outo i e tabatin un herida basta grandi na su kabes. Ambulans a transport’é pa hospital pa tratamentu médiko. Kousa di e aksidente no ta konosí.