SAN FRANCISCO, Merca – E apartamento di di dos piso tabata bunita y grandi, e tabata tin dos camber hopi bon decora. E tabata den e elegante bario Pacific Heights di San Francisco. E tabata caro, cerca di 400 dollar pa anochi den Airbnb y tabata bin cu un advertencia imprevisto.
Hunto cu un botter di biña di California, gratis, e huurdonan a wordo ricibi cu un nota skirbi na man caminda cu nan tabata ordonan pa gaña si nan crusa cu cualkier bisiña. Cualkier pregunta cu nan wordo haci, nan mester a bisa cu nan tabata amigo di famia.
Personanan cu ta huur apartamento pa temporadanan cortico cada biaha ta mas recursivo pa haci cu nan ta kita e normanan, pero awo no solamente nan enfrenta bisiñanan cu ta haci redo.
Ta existi un ola nobo di empresa cu ta investiga y ta gara huespednan cu ta viola regulacionnan di construccion unda cu nan ta keda y leynan local. E empresanan aki ta wordo contrata pa propietarionan cada biaha mas preocupa pa e calidad di bida of e polisanan di seguro y pa ciudadnan cu ta wak cu mal wowo con e parke inmobiliario ta disminui y con e habitantenan no ta paga tur belasting.
Doño y administradornan di apartamento y asociacionnan di condominiumnan a contrata BNBShield, empresa cu sede na Austin y inaugura na Februari, pa gara hendenan cu ta huur di manera ilegal un propiedad. Pa nan e empleadonan di BNBShield no ta señala edificio ni ta busca personanan cu ta papia straño. Nan ta uza un software perosnalisa pa rastrea un lista di areanan determina y despues combina e datonan aki cu e caracteristicanan di un edificio specifico.
Algun di e edificionan tin e mesun pisonan, bentana, forma of frigidaire den tur e unidadnan. BNBShield, ta pone e informacion aki den nan base di dato y ta scan potret di e documentonan di identidad di e huurdonan.
Jacques Casimir, di 36 aña y fundado di BNBShield, ta sigura cu hopi huurdo ta cada biaha mas habil y no ta publica e detayenan cu ta identifica nan, manera un potret pafo di e edificio. Mayoria di nan ta hendenan comun y coriente cu ta purba di gana algun dollar mientras cu nan ta den exterior. Pero Casimir tambe a sa di e caso di un persona cu a tuma 13 propiedad den huur y a huur esakinan di manera permanente, creando un negoshi hotelero clandestino.
Independiente di e tema di hotelnan ilegal, dicon un propietario lo paga placa solamente pa stop e desordo di un huesped? David Shapiro di SubletAlert.com, ta sigura cu ta trata adi un combinacion di factor. Su empresa, cu base na San Francisco, ta produci hermentnan cu por wordo uza pa real estates y pa companianan cu ta administra edificio pa haya huur a corto plazo.
Tin hendenan straño cu ta bay y bin por ta un asunto cu ta preocupa otro propietarionan pa su siguridad of calidad di bida. E edificionan sa tin reglanan di seguronan specifico cu no ta cubri e subhuurnan di un apartamento pa temporadanan cortico. Y Shapiro ta opina cu cada biaha tin mas biahero y turista cu ta deteriora e inmueblenan.
Manera BNBShield y SubletAlert, no ta gestiona ordennan di desaloho. E companianan ta manda informacin cu nan ta haya e cliente pa nan dicidi kico haci, normalmente cuminsando atrabes di un advertencia. Pero e propietarionan no semper ta e victimanan. Den un caso na Los Angeles, e doñonan di un construccion a wordo acusa di desaloha ilegalmente tur e huurdonan cu tabata tin un contracto di periodonan largo di tempo, pa converti nan apartamentonan den un negoshi mas lucrativo atrabes di e huurmento di Airbnb.
Empresanan manera Airbnb cada biaha ta yama mas atencion di gobiernonan local. Diferente ciudadnan ta promulga nan propio leynan pa aborda e proliferacion di huurmento di corto plazo.
Cada ciudad tin rasonnan diferente. Algun ta enfrenta escses di vivienda y ta busca, di e manera aki, pa sigura cu e apartamentonan ta wordo uza pa huurdonan cu tin contractonan di largo plazo. Otronan ta ciudadnan bishita riba tur, en temporada di vakantie, cu kier promove turismo, pero tambe ta sigura cu nan ta ricibi tur placa cu tin cu yega pa e pago di belasting. Hopi comunidad ta preocupa pa asuntonan relaciona cu nan calidad di bida, manera desordo.
Airbnb ta sigura cu ta apoya e regulacionnan aki, pero a enfrenta cu algun ciudad, cu, parce, ta bayendo demasiado leu.
E compania a demanda San Francisco, por ehempel pa un norma nobo cu ta pidi pa tur huurdo, registra na e ciudad.
Host Compliance ta otro di e empresanan aki cu ta yuda ciudadnan na reforsa nan ley riba huurmento di corto plazo. E compania ya a traha cu casi 15 ciudad, incluyendo Vancouver, Pasadena, Los Angeles y Truckee, un balneario cerca di Lake Tahoe, na California.
E empresa ta reuni tur informacion cu nan haya riba e registronan di huurmento di corto plazo y ta manda noticia pa e huespednan, na nomber di e ciudadnan. Por bisa pa nan registra of pa paga belasting, of informanan di e otro normanan local. Nan tin un liña di telefon di asistencia pa bisiña cu kier reporta problema cu desordo of parkinglot y reuni evidencia pa sporta e reclamacion of demandanan cu wordo haci.
Fuente: CNN en Español