NEW YORK CITY, New York – Pedro Hernandez a wordo haya culpabel diamars pa e secuestro y asesinato di Etan Patz, un mucha homber di 6 aña kende a disparce mientras cu e tabata cana dos caya for di su cas pa e stacion di bus escolar na Soho, New York, dia 25 di Mei, 1979.
“E desaparicion di Etan Patz a obsesiona e famianan na New York y den henter e pais den cuater decada,” fiscal di e districto di Manhattan, Cyrus Vance, a bisa den un comunicado caminda cu ta anuncia e decision. “E legado di Etan lo perdura atrabes di e historia largo di lucha di su famia pa e muchanan desapareci,” el a agrega.
Durante e huicio, a comproba cu e dia 25 di Mei ey, Hernandez, empleado di un bodega y e tempo ey cu 18 aña, a para e chikito na caminda y a tent’e pa compañe pa e kelder di e tienda cu promesa cu lo regale un refresco. Ya den e luga, el a hork’e, pone den un saco di plastic cual el a sconde den un caha di carton y despues a laga e caha den un caya den e vecindario.
E hurado a delibera den e di dos huicio aki pa nuebe dia prome cu a declar’e culpabel, ya cu otro hurado no a logra un veredicto unanime den e prome proceso cu a dura cuater luna na 2015.
Durante e di dos huicio aki, e abogado di e Hispano, Harvey Fishbein, a culpa polis di forsa su cliente door di confisa e historia. El a desmerita ademas e versio cu e propio Hernandez cu el a duna di sa di e hechonan na otro amigonan pa considera nan demasiado bieu y irelevante pa e ta valido y a reitera e trastornonan di personalidad di e homber, door di a sigura cu ta impedi pa distingui entre e ficcion y realidad.
E caso di e chikito a estremece e ciudad di New York. Su cara a wordo poni den anuncionan cu e palabra “missing” cu nan a colga unda cu ta; tambe riba e portadanan di e corantnan, e pantayanan di e noticieronan, riba Times Square y pa prome biaha, e imagen di un mucha perdi a wordo imprimi riba e cartonnan di lechi.
E curpa di Etan nunca a wordo haya, apesar cu a keda desplega un buskeda exhausto, loke a laga na e fiscalnan sin evidencia fisico pa incrimina Hernandez. E ekipo di fiscal, lidera pa dos experto, Joan Illuzi y Joel Seidemann, a arma e tempo ey e evidencianan desde cero, uzando e propio testimonio detaya cu a duna na autoridad y specialistanan riba salud mental cu a evalu’e.
Cu e anuncionan di “missing”, Hernandez incluso a confirma na e investigadonan di e caso cu tabata Etan, e mucha cu el a asesina. “No por a laga esaki pasa,” el a bisa den un di e entrevistanan. “Mi a sinti si algo ta podera dimi.”
Na 2001, sin evidencia fisico, Etan a wordo declara oficialmente morto.
Segun e corant The New York Times, un miembro di un grupo eclesiastico a testigua cu Hernandez a cay riba su pianan entre lagrima di arepentimento door di a mata e mucha. Su ex casa, cu kende e tabata tin un relacion turbulento, tambe a bisa di a corda cu den un ocasion el a papi’e riba e asesinato di un “mucha homber” y cu, despues cu nan a casa, a haya den un caha den closet di su casa, un imagen di Etan, di cual cara a wordo poni riba e posternan riba caya.
E homber di 56 aña a sigura ademas cu e no a abusa sexualmente di e chikito of di algun otro mucha. Pero den e argumentonan final, un di e fiscalnan cu a investiga e caso, Joan Illuzi, a argumenta cu esaki tabata e rason primordial di e atake. Tambe el a describi e Hispano como un depredador cual comportamento reserva den corte tabata sconde su astucia y a sigura cu prome cu e atake, e tabata “admirando atentamente e mucha amigabel y bunita aki.”
Fuente: Univision Noticias