PENNSYLVANIA, Merca – Un homber di Pennsylvania a rechasa libertad condicional despues di a cumpli 63 aña tras di tralie, bisando cu e ta inocente y nunca e mester a wordo cera na prome luga.
Joseph Ligon, awo 79 aña, tabata den prizon desde cu e tabata tin 15 aña y ta wordo considera e prizonero hubenil cera mas largo di mundo. El a wordo condena pa e asesinatonan di dos persona na 1953, matamento cual e ta bisa cu e no a comete.
El a rechasa e oferta di libertad condicional na principio, di acuerdo cu The Philadelphia Inquirer.
“Su punto di bista ta, cu e tabata eyden pa suficiente tempo,” Bradley Bridge di e Asociacion di Defensa di Philadelphia, a bisa corte siman pasa. “E no kier ta den libertad condicional. Solamente e kier wordo libera,” e corant a bisa.
E y otro cinco hoben a wordo acusa pa e hincamento cu consecuencia fatal di Charles Pitts y Jackson Hamm.
Su oportunidad pa liberacion a tuma luga despues cu Corte Suprema di Merca a dictamina na principio di e aña aki cu e condena di menor na cadena perpetua ta inconstitucional y cu nan mester tin e posibilidad di libertad condicional.
Mas of menos 300 recluso na Philadelpia ta eligibel pa e revision di e sentencia, den virtud di e sentencia. Ligon a wordo acerca riba un acuerdo cu lo haci’e inmediatamente eligibel pa liberdad condicional, pero el a rechas’e, su abogadonan a bisa.
Tres otro interno tambe a rechasa e ofertanan di resentencia, e corant a reporta.
Fuente: Inside Edition