CARACAS, Venezuela- E aerolinea Aserca Airlines a confirma pa medio di un comunicado cu e ta “stop su actividadnan como operador di transporte aereo”. Asina tambe e uni su mes na e lista largo di companianan cu a haci mescos durante e 19 añanan di gobierno Chavista.
E compania a sigura cu “e pasaheronan a wordo atendi y protegi, nos ta mantene nos na nos responsabilidad di honra cada un di nan, como tambe cu e proveedornan”.
E compania a sigura di a yega 1777 vuelo mensual y di a supera 10 mil pasahero den un dia. E ta lamenta di tin cu dispidi di e pueblo Venezolano y a gradici su trahadonan pa e profesionalismo brinda durante mas di dos decada.
Fuente: NTN24