Diaranson awor 13 di December cuminsando pa 7or y 30 na Stadion Frans Figaroa den e Technical Center Angel Botta lo tuma luga un reunion general di Aruba Softball Bond. No obstante cu lo aproba diferente relatonan tanto di secretario y financiero lo ta un anochi special unda teamnan miembro y den “good standing” lo tin derecho pa por vota y asina eligi democraticamente un directiva pa e sigiuente periode. ASB ultimo añanan a sa di inverti masha hopi tempo pa rebiba y structura e deporte di softball. Tin diferente miembronan nobo cu a wordo postula pa un puesto den directiva y ohala cu e directiva cu keda eligi por continua cu trabownan positivo na bienestar di e deporte na promer lugar. ASB ta hasi yamada na tur su miembronan pa corda manda 2 representante y percura pa “machtiging” ta firma di esunnan cu ta atende reunion.