Mayornan boso ta buscando algo pa boso yiu haci den vakantie? Aruba Soccer Academy lo tene nan di 2 Summer Camp den temporada di vakantie. E muchanan lo haya sa mas di futbol.
E camp lo ta di dia 10 di Juli te cu 14 di Juli 2017 y ta desde 9:00 AM te cu 12:00 PM. E di 2 Summer Camp lo tuma luga na Stadion Frans Figaroa Noord. E edad di participacion ta pa muchanan di 4-13 aña y tanto mucha homber como mucha muhe por participa na e camp aki. Prijs pa participacion ta 175 florin pa mucha y ta inclui uniform.
Muchanan lo siña hopi mas di futbol y tambe e muchanan lo pasa un momento agradabel. Tambe muchanan lo haya e oportunidad di interactua cu otro. Pa inscripcion yama na 5925235 of manda ASA un e-mail na [email protected]. Inscribi awe mes pa bo yiu no keda afo.