Diahuebs mainta na oficina di Aruparking a saca e gandornan di e campaña di Fin di Aña.
Durante henter luna di december usuarionan di Aruparking por a participa den e campaña. Simplemente nan mester a yena nan nomber y number di telefon riba e recibo cu nan ta haya na e parkeermeter y deposita esaki na oficinanan di Aruparking of Arubus.
Aruparking pa medio di e campaña aki kier a promociona shopping den centro di ciudad y e uzo responsabel y organisa di parkeo. Varios persona a participa den e campaña cu a conta cu cooperacion di Setar pa e prome premio cu ta un tablet.
E di dos premio tabata 3 luna di parkeo gratis y e di tres premio 1 luna di parkeo gratis.
E ganadonan di e campaña a resulta den persona di:
Sergio Laurant kende a gana un luna di parkeo gratis.
Andre cu number di celular 6412165 cu a gana tres luna di parkeo gratis y Roberto Orman cu a resulta e ganado di e tablet.
Aruparking ta pidi e ganadonan pa por fabor pasa cu un documento di identidad valido na nos oficina situa den Wilhelminastraat entrante dialuna 9 di Januari 2017 pa por reclama nan premio corespondiente.
Masha danki na tur cu a participa den e campaña di fin di aña y nos ta sigura nos usuarionan cu Aruparking lo continua den 2017 cu diferente campaña pa sigui promociona nos centro di ciudad.