Teniendo na cuenta e situacion di nos tempo cu ta wordo afecta door di tormenta tropical Matthew gerencia di Arubus, Aruparking y Arutram ta informa lo siguiente:
Arutram no lo ta den funcionamento diahuebs ni diabierna. Diasabra dependiendo di e desaroyo di tempo lo ta na servicio di publico un biaha mas.
Aruparking lo ta cera diabierna 30 di september 2016. Diasabra 1 di October 2016 Aruparking lo ta operacional un biaha mas dependiendo di desaroyo di tempo.
Arubus lo opera awe diahuebs 29 di September normalmente. Pa diabierna 30 di September lo reuni den oranan di mainta tempran pa mira con e situacion di tempo ta y dependiendo di esaki lo por opera. Mester tene na cuenta cu e operacion aki lo por ta limita dependiendo di e condicionnan di awa. Nos team lo keda monitorea e situacion pa por opera na e miho nivelnan posibel, pero teniendo semper seguridad di nos usuario y trahadonan na prome luga.
Gerencia di e tres companianan aki lo keda informa publico riba cualkier desaroyo nobo tocante funcionamento di e companianan.
Nos ta pidi tur hende pa por fabor tene cautela y tuma e medidanan di precaucion necesario!