Arubahuis a ricibi SKOA y grupo di docente cu lo bay reenforsa enseñansa na Aruba

0
RBC Juli 2018
Funmiles-2018

DEN HAAG – Pa algun aña caba Arubahuis ta ricibi y facilita Stichting Katholiek Onderwijs Aruba (SKOA) durante nan proceso di recluta maestronan na Hulanda. Ta trata aki di ambos maestronan Hulandes como esunnan local cu a caba di studia y ta scoge pa bay Aruba bek pa reinforsa nos enseñansa. E proceso completo di solicitud na Hulanda ta tuma luga na Arubahuis y e proceso ta wordo clausura cu un anochi di informacion pa e grupo cu lo bai labora na Aruba.

Na inicio di e anochi Minister Besaril a yama e grupo bon boni y a accentua e importancia y balor di nan trabou pa enseñansa na nos pais. Sra Cavril Martijn-Rombley, hoofd personeelszaken di SKOA a duna un presentacion amplio cu informacion di e organisacion, informacion di nos enseñansa como tambe riba e puntonan di atencion ora ta trata biba y traha na Aruba. E presentacion a wordo clausura cu algun palabra di e directora di SKOA sra. Josette Daal.

Na final di anochi e docentenan por a intercambia informacion y comparti experencia cu otro. Minister Besaril ta menciona di ta contento di por facilita nos directivanan di scol di Aruba den e trabou importante cu nan tin pa educa nos hobennan y ta enfatisa cu Arubahuis tey semper pa facilita y duna sosten.

E potret ta cortesia di Cas di Aruba

Comments

comments

C: Heineken
new india
dvg