Aruba Triathlon Association un bes mas lo representa Aruba den exterior unda un total di 3 atleta lo bay competi den e Caribbean Championship na Key Biscane, Florida. E atletanan Giannon Eights, Linda Smith y Sandra Postma hunto cu nan coach Glennon Eights lo bataya contra e miho atletanan di triathlon den nos region. Mester bisa cu e atleta hoben Giannom Eights lo bay competi den e distancia di sprint unda anja pasa e la sali na di 3 lugar den su categoria. E dos atletanan femenino, Linda Smith y Sandra Psotma lo bay participa den e distancia Olimpico. E competencia aki lo ta 30 di april.
Na mesun momento ta bon pa bisa tambe cu coach Glennon Eights lo representa Aruba Traithlon Association pa atende un congreso di triathlon unda lo plania un posibel competencia di CARIFTA den e deporte di Triathlon cu lo tuma lugar e anja aki den luna di October. Lo tin votacion y mira cua pais lo bira e anfitrion di e Carifta aki.
Hunto cu e delegacion lo biaha tambe algun otro atleta di Aruba kendenan tambe lo competi na Key Biscane, e atleta Ruben “Bincho” Mansur lo bay competi den e sprint distance, Lucien Dirksz cu lo competi den e Olimpic Distance y Anthony Wilson lo competi den e duathlon.
Un danki sigur na Lotto, e Loteria di Aruba pa medio di Comision di Subsidio cu a subsidia parti di e delegacion di Aruba Triathlon Association cu lo competi den e Caribbean Championship na Key Biscane, Florida.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.