Cuido di bo cuero contra e rayonan fuerte di solo ta hopi importante, specialmente den e temporada di Carnaval unda nos lo pasa hopi mas ora den solo cu normal. Maske cu rayonan di solo ta importante pa haya cu moderacion, sibo ta bay ta den solo fuerte pa un temporada largo ta necesario pa uza proteccion solar. Sin un proteccion solar adecua bo cuero por kima facil y asina hisa e risisco di haya cancer di cuero. Ademas, e rayonan di solo por contribui na mustra bieu mas lihe. Con bo por proteha bo mes di e rayonan fuerte di solo? Uza un bon sunscreen cu SPF y traha cu ingredientenan cu ta safe pa bo curpa.
Awo Aruba tin su propio sunscreen, Arubalife Organics Sunscreen Butter SPF 25+. Un producto local di calidad halto, traha na man, aki mes na Aruba y ta contene solamente ingredientenan natural, organico y completamente safe pa bo, pa baby y nos medio ambiente.
Pa kico ta consehabel pa uza un sunscreen organico? Mirando cu dia pa dia e cantidad di casonan di cancer ta subi enbes di baha, por conclui cu loke nos ta uzando riba nos cuero pa supuestamente proteha nos di cancer, ta contribuyendo na duna nos cancer. Desde introduccion di sunscreen e cantidad di casonan di cancer di cuero ta keda subi. Un di e motibonan ta cu esaki ta blokia e produccion di vitamina D, cual ta esencial pa prevencion di cancer. Pero un otro motibo mas grandi ainda ta cu e sunscreen comercial/ convencional ta contene un cantidad di kimico toxico cu ta hopi dañino pa nos curpa. Y pa colmo ta hopi dañino pa nos rifnan, coralnan y demas naturalesa.
Ademas di contene ingredientenan natural, organico y safe, locual ta hopi importante pa un sunscreen ta un broad-spectrum SPF (sun protection factor). Esaki ta locual ta bay yuda proteha bo di e rayonan UVA y UVB. Un sunscreen cu broad-spectrum SPF 15 bay ariba, tipicamente ta duna bon proteccion, tanten cu bo uza e producto corectamente. Esaki kemen uza suficiente producto y reaplica cada dos ora of di biaha despues di landa/ soda hopi.
No kere e trikinan di marketing di sunscreen comercial, cu kier bende bo un sunscreen SPF 50 bay ariba pa hopi mas placa. Un SPF 15 ta blokia rond 94% di e rayonan, un SPF 30 ta blokia rond 97% di e rayonan y un SPF 50 ta blokia rond 98% di e rayonan. Y no tin niun cu ta blokia 100% di e rayonan. Esaki ta nifica cu un SPF 15 no ta mucho mas proteccion cu un SPF 30 y riba esey e porciento ta bira insignificante.
Arubalife Organics Sunscreen Butter SPF 25+ ta obtenibel via nan website www.arubalife.com , of por tuma contacto via Facebook y Instagram.
E producto local aki ta uno responsabel y efectivo.
Hotelnan green y sostenibel den e region, manera Bucuti & Tara a reconose esaki y a adopta Arubalife Organics Sunscreen Butter pa asina nan clientenan por ta proteha cu un producto safe pa naturalesa y nan cuero.