Pa loke ta e tema di politiconan cu por drenta den gobierno y den parlamento, esey tambe a keda palabra pa cual Sra Ras ta splica con esaki a bay.
Na Aruba tambe a pasa ley di integridad. Esaki ta e ley tocante e screening di politiconan, y esaki sigur lo contribui, pa asina nan por tin un miho calidad di politiconan cu ta bay representa e pueblo den Parlamento of como minister, cu mester ta ehempel pa otronan. Tin cierto reglanan fiho pa esaki. Otro paisnan tambe tin nan leynan na nan lugar. Hulanda kier a introduci un camara di integridad na St. Maarten. Sinembargo a discuti ariba e punto aki, y ta importante pa cada pais traha ariba nan propio cambionann y mester mantene e contacto pa asina vigila pa otro. No solamente na Aruba so tin casonan di integridad, pero tambe na Hulanda.
Esun di screening a pasa caba, pa politiconan. Esun di camara di integridad, Aruba no tin nada trahando ariba dje. St. maarten ta trahando ariba dje, y nan a aproba esey. Pero e Corte Comun di Husticia no a aproba e ley ey. Dus nan no por sigui padilanti.
A hiba combersacionnan cu Bonaire y Statia, con nan ta experiencia e autonomia con nan tin awo, cu ta menos cu antes. Y nan ta experiencia esaki y nan a bisa di loke kier haya oido ariba esaki. Aruba a bisa di ta habri pa cu esaki, y lo kier skucha e eilandsraad di ambos isla, prome cu duna un opinion.
Cambio di clima tambe ta un punto cu ta papia di dje tur ora. Energia solvabel, renovabel Aruba ta un trendsetter di esaki. Parlamentario a haya un buntia presentación tambe over di esaki, con ta haci uzo di energia solar y tambe pustamento di auto solar cu ta un proyecto di hobennan trahando ariba dje. A wak tambe con na HUlanda tin un proyecto pa tene e oceano y haci esaki limpi. E ta un proyecto hopi bunita. Kisas esaki ta un proyecto cu Aruba tambe lo por traha ariba dje.
Na final IPKO a conclui conhuntamente den un conferencia di prensa, unda tur e paisnan tabata hunto y nan por a mira cu toch, di parti di tur e paisnan nan tabata satisfecho cu a logra ya cu prome no tabata tin manera e confianza cu si bay, paso e diferente constelacion a cambia. Hulanda tambe no a forma un gobierno ainda. Pero toch nan ta contento cu nan a bay y por a intercambia. Asina ta mira cu ta pone presion ariba gobiernonan, y e ora enberdad por mira kico a logra y kico kier logra cu e diferente puntonan, segun Presidente di Parlamento, Sra. drs. Mervin Wyatt- Ras.