Sr. Gerald Franca, di Stichting Rancho a splica mas di loke ta e biaha di e fundacion pa la Guajira, Colombia y ta papia over di e hecho cu Guajira cu Aruba tin hopi en comun pa loke ta historia.
Hopi hende ta tuma Guajira como parti di Colombia, pero e ta parti di Venezuela tambe. P’esey e indjannan Wayuu ta crusa frontera sin documento, ya cu e ta nan tera. E idea di Stichting Rancho ta e parti no solamente cultural pero tambe turistico, riba cual Sr. Franca ta amplia.
E ta un area hopi berde, hopi agricultura y tambe tin e parti cultural, cu ta hopi fuerte cu ta e parti di Siera Nevada, caminda ta haya e Coguinan ta biba, e Arawaknan, Inca, Sancana cu ta e cuatro diferente gruponan cu tin nan permanencia den e Sierra Nevada. E gruponan aki, tur tin nan mesun cultura, aunke tin varios punto en comun.
Nos ta bende Aruba como destinacion turistico pa beach, pa haci esaki pa Europa nos mester un parti caminda por haya algo exotico su tras, segun Sr. Franca. Algun dia atras tabata tin un conferencia caminda Minister President y Presidente di Colombia, tabata na Pereira y e punto aki a bin dilanti. Aruba por probecha cu nos ta cerca di e costa di Guajira y na mes momento bendenan e parti exotico di Guajira. Pa un Europeo bin Aruba pa dos siman pa un prijs halto, e ta prefera bay Ibiza, of Sur di Spaña cu ta sali 20% di e suma cu e ta paga pa bin Aruba.
Pero si por pone e parti exotico cu ta loke Europeonan ta gusta, caminda ta bisa cu ta bay ta den un grupo cultural, di cinco shen aña pasa, caminda ta wak cosnan cu por haci interesante pa turista Europeo, y ta busca wholesalernan Europeo combina esaki cu wholesaler Colombiano, dus agencianan di biahe mayorista cu por bende e producto aki y bende Aruba. Segun Sr. Franca, ta trece un Europeo dos of tres dia Aruba y ta sigui pa la Guajira. Ora e bin bek e ta pisa tera di Aruba bek pa un otro dos of tres dia pa despues e sigui bek pa Europa.