Diasabra ultimo Aruba Taekwondo Bond a tene nan campeonato nacional cu a carga e nomber Himno y Bandera. Un total di 6 scol di taekwondo a forma parti di e bunita dia aki. E scol di Tiger Taekwondo Academy a logra sobresali unda nan a sali e miho ekipo di e campeonato nacional di Himno y Bandera,unda nan a triunfa den 6 di e 7 combatenan disputa. Mester bisa cu mas di 42 miho atletanan di tur e scolnan participante den nan categoria a representa nan organisacion dignamente e campeonato aki. Tur a hasi nan maximo esfuerso y duna un bon demostracion di nan habilidadnan di taekwondo na e publico presente. E hoben Angelo Rodriguez a hasi su regreso den e deporte y mesora e demostra su clase unda e la triunfa den dos combate y logra mesora gana e titulo di Best Fighter den e categoria adulto
Lotto, e Loteria di Aruba como organo cu via Comosion di Subsidio ta subsidia torneonan relaciona cu e celebracion riba nos Dia Nacional Himno y Bandera ta masha contento di por a duna su maximo contribucion na campeonato nacional di Himno y Bandera organisa pa Aruba Taekwondo Bond
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.