Aruba Table Tennis tambe a celebra e Dia di Betico 2018

0

Durante 4 dia largo, e federacion di tennis di mesa, A.T.T.A. a tene nan torneo di ping pong en conexion cu e celebracion riba Dia di Betico 2018. Ya for di siman pasa a cuminsa cu e categoria di dama y masters. Den e categoria di dama nos a haya na prome luga Mikayla Mathilda, sigui pa Zury Ruiz cu a keda na di dos luga mientras cu Joseline Boekhoudt a keda na di tres luga. Den e categoria Masters, e bataya tabata uno fuerte unda James Letren ta sorprende tur hende y ta logra keda na di prome lugar. Na di dos luga a termina Franklin Lopes mientras Alfred Leong a keda na di tres luga.
Dialuna e competencia a sigui den e categoriannan mas hoben cu ta e U11 y U15 esaki na Club Estrella. Den e categoria U11 nos a haya na prome luga e hobencito, Dylan de Leca, sigui pa su ruman Brandon De Leca cu a keda na di dos lugar y na di tres lugar a keda Nathan Lobo. Den e categoria U15, nos a haya Robert Dirksen cu a conkista e prome lugar sigui pa Bob Chung cu a keda na di dos lugar y Mikayla Mathilda cu a sali na di tres lugar. Diamars anochi e Copa Betico Croes 2018 a continua den e categorianan B Klas y Open Klas. Pa loke ta e resultadonan final mester bisa cu den B klas e prome lugar a bay pa Alfred Leong, mientras na di dos lugar a keda Wing Chow Leong y na di tres lugar a keda Mikayla Mathilda. Den e categoria Open Klas nos a haya na prome luga, Mario Lobo na di dos lugar Anndy Gomes y na di tres lugar ChingHo Chung.
Lotto, e Loteria di Aruba cu pa medio di Stichting Sportsubsidie Aruba cu a subsidia e eventonan deportivo ta felicita Aruba Table Tennis Association cu e torneo relaciona cu e Copa Betico 2018.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.

Comments

comments