Cada aña rond di un temporada largo e federacion di tennis di mesa ta tene nan competencia yama Copa Aruba esaki individual y den ekipo. Diamars ultimo e weganan a yega su final unda a bataya den e diferente clasenan di U-8 te cu e Open klas. Mester bisa cu por a presencia un nivel halto di competencia sigur den e mas hobennan kendenan a demostra un tremendo wega di nivel contra di otro. E final den U-18 entre Ching Ho Chung di 13 aña y Jeandry Mathilda di 15 aña a bay hopi pareu y te den e di cinco set unda cu Ching Ho Chung a titula campeon ganando e wega decisivo 11 – 9.
No tin duda cu e deporte di tennis di mesa tin futuro su dilanti, mester sigui apoya e hobennan aki pa asina dentro di algun aña Aruba tin digno representantenan den weganan regional, continental y mundial. Nos tin e siguiente resultadonan Categoria U 10, e prome luga a bay pa Marc Rasmijn, na di dos luga a keda Nethan Lobo y tres a keda Trevor van der Biezen. Den e categoria U 13, Bob Chung na di dos lugar a keda Robert Dirksen y na di tres Mikayla Mathilda. Den e categoria U 18, e prome lugar a keda Ching Ho Chung, den e di dos lugar Jeandry Mathilda y na di tres a keda Donald Yarzagaray. Den e categoria B KLAS nos tin na di prome lugar Wing Chow Leong, na di dos lugar a keda Donald Yarzagaray y na di tres a keda Alfred Leong. Den e categoria Open Klas nos a haya e prome lugar, Mario Lobo, na di dos lugar Andy Gomes y na di tres James Letren.
Un danki sigur na Lotto, e Loteria di Aruba pa medio di Comision di Subsidio cu a subsidia e campeonato di Copa Aruba den Ping Pong.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.