ATA ta Aruba ta sigui e midicion di e World Travels & Tourism Councils, mientras cu aki na Aruba ta saca diferente sistema pa midi e contribuicion na Aruba su GDP nacional, pa por midi’e miho. Sra. Ronella Croes, CEO di ATA ta elabora ariba esaki.
E companianan world travels y Tourism Consults ta realiza e tipo di estudionan aki pa basta aña caba cu e mesun formula pero ta uza diferente indicadornan y nan a haci esaki cu 184 paisnan, locual nan ta haci pa varios aña caba.
CEO di ATA Sra Ronela Croes a bisa cu en berdad nos economia ta hopi fragil, pero ta importante pa pasonan duradero pa sigura Aruba su desarollo economico por continua den futuro. E indicacion aki ta expresa cu Aruba ta depende hopi di e turismo y mester ta consciente cu esaki ta nos pilar economico.
Mas aleu, Sra. Croes a sigui bisa, cu considerando e diferente limitacion cu nos tin. Tur hende ta consciente cu turismo lo keda e pilar economico di nos pais. Nos ta un isla, pero tambe por aprecia y ta consciente di tur e avance y e desaroyo cu Aruba lo a presente desde e añanan 80 , y como ATA lo mester sigura e nivel halto di turismo y cumpli cu tur e rekisitonan y e calidad cu e turista ta paga pe y ta merece.
ATA por haci su tarea di atrae e perfil mas halto, y sigui cobra e prijsnan cu ta cobra awo, cu ta locual mester haci tambe, lo mester tin e experiencia cu nan ta sinti cu nan a haya balor pa nan placa. Esaki ta e tarea mas grandi pa ATA. Como ATA nan ta tumando accion y nan ta hungando un papel mas activo pa loke ta trata di kico mester pasa cu nan por sigura cu e bishitante di perfil cu ta bishitando Aruba, pero si kier eleva esaki mas, ta papia di hendenan mas exigente. Lo mester sigui eleva e experiencia. Lo sigui duna enfoke ariba esaki, banda di e actividadnan di mercado internacional tambe, segun Sra. Ronella Croes, CEO di ATA.