For di prome dia cu e caso di e dos muchanan a sali dilanti a acerca e famia den diferente aspectonan cu e conseho y palabranan di consuelo. A bay bay santana dialuna pa haci un oracion y pone algun blass balnco. Sra Lisette Gomez di Fundacion Lisette Gomez ta amplia.
Aruba henter t’ey y ta boga pa husticia prevalece. Personanan di prensa cu tabata presente dialuna por a observa cu e dolor no a kita sino cu al contrario, pasobra ta sinti falta di e muchanan.
Nan no ta compronde pakico na e momento e mama no a pidi ayudo cu algo ta sucede of duna e cuido cu mester. Esaki ta trece hopi pregunta cu no tin respuesta y na Fundacion Lisette Gomez como fundacion y como mama esaki ta algo hopi duro y doloroso. E caso aki ta uno cu ta imposibel pa lubida.
Ta duro pa kere cu esaki ta tuma luga na Aruba un luga desaroya y un luga chikito anto cu no tin control caminda cu un mucha chikito por wordo abusa y hasta mata. Despues di esaki, hopi ta casoann cu a bin incognito of scondi caminda cu situacionnan similar ta tumando luga.
Autoridadnan mester bira mas activo y prevencion mester cuminsa na cas como mayor siendo cu mesun mayor ta involucra den casonan. Como mayor si ta wak un situacion asina no por bisa cu e no ta bo problema mester reporta esaki y duna ayudo na e mucha. Un mucha cu ta wordo abusa, esaki no por keda na e cas mas y no ta aceptabel. Un mayor no por asina no mas dicidi di bati su yiu y di maltrata un mucha, pasobra cu abo ta e mayor.
Mester bin cu prevencion tur caminda , na scolnan tambe y reeduca mayornan. Tin hopi mayor hoben y e tatanan a laga hopi di desea awendia, cu nan no ta cria nan yiu, siendo cu no ta solamente e parti monetario sino e amor y tey pa cualkier logro chikito di e mucha pa por logra bay dilanti y ta trece e caso di e muchanan unda ken cu ta mesterreporta sea wela, tanti, y esunna cu ta mas cerca entre otro.
Ta papiando di e muchanan cu ta e futuro di nos pais, siendo cu con nan ta bay funciona como adulto den forma psicologico siendo cu esaki ta bay afecta e persona pa e resto di nan bida. Ta parce cu hopi hende a keda desapunta, ta parce cu instancianan ta keto. E caso aki ta uno cu mester a bolter Aruba, pero nada no ta sucede. Ta spera cu Aruba a lanta for di soño, kibra e taboo cu ta existi.
E mayor ta papiando cu nan yiunan, scolnan ta activo y hendenan no ta keda keto mas. Un biaha mas, e taboo mester wordo kibra. Awo ta e momento pa tin un balance. Pa loke ta e parti di ley y husticia, parlamento mester lanta ariba y pone seriedad na e problemanan social. Tin cu lucha pa e muchanan cu ta carga nos futuro, anto Minister mester activa e plannan social na e diferente barionan. Tin cu pone hopi atencion unda tin casonan unda e mayor cu mester simplemente un conseho of un orientacion y asina por preveni.
Aunke cu tin hopi situacion, pero mester keda consistente y cerca den bario, mester haci uzo di e conocemento pa yuda e mayornan cu ta hinca den un buraco, si nan mes a wordo abusa, nan yiunan lo cay den e mesun ciclo. Problemanan aki mester wordo treci dilanti pa asina nan por wordo yuda, y e yiunan tambe por wordo yuda. Te asina leu, declaracionnan di Sra. Lisette Gomez, di Fundacion Lisette Gomez.