Un bon structura di bon pensioen, ta e sistema di tres pilar, cu ta wordo propaganda pa Banco Mundial. Banda di bo pensioen basico, bo mester di un pensioen di trabao.
E pensioen di turismo ta un pension di trabao, ta cay bou di e ley general di trabao di 2011 cu ta haci’e obligatorio. Un pregunta cu ta bin dilanti ta si e pensioen di biehes general, e sistema ey, ta proveyendo nos grandinan un pensioen decente y adecua. Pa cu esey, SVB a analisa e poblacion di pensionado, tanto esunnan naci den Reino Hulandes como esunnan naci pafo di Reino. E analisis ta indica cu e sistema di pensioen aworaki, na e manera cu e ta hinca di awo, cu ta basa ariba residencia di criteria pa adkiri derecho, no ta duna e trahado migrante, na final di su carera, un pensioen adecua.
Durante un presentacion, director di SVB, Sr. Edwin Jacobs, a presenta un promedio di pensioen di un trahado migrante den nos sistema ta hopi abao. Por mira tambe cu e porcion di trahado migrante cu ta sigui traha despues cu nan haya nan pensioen di biehes, ta hopi mas halto cu e otro nan den e sector. Esaki ta un indicacion cu nan mester di e salario pa nan sigui mantene un entrada adecua. Pero ta yega un momento cu e curpa lo no duna mas. Y e ora, e mensahe di SVB ta cu mester cumisna pensa pa innova nos sistema di AOV a wordo diseña na Hulanda na añanan 1950. E tempo ey ainda Hulanda no tabata conoci como un pais di migracion. Cu tempo Hulanda tampoco Hulanda a conoce migracion grandi manera Aruba, cu ta un pais di migracion. Y nos sistema di AOV no ta tene cuenta cu e aspecto ey. Por lo tanto bo ta hayabo cu pensioen cu not a adecua y tampoco decente manera ta defini internacionalmente, e.o. ILO.
Ta sumamente importante pa un migrante tin e pensioen di turismo, banda di esun di gobierno. E den e structura cu e ta awo, no ta bay complementa suficiente entrada. P’esey ta bon pa den e sistema di trahado cu Aruba tin awo, pa innova esaki. Pero AOV tambe mester cuminsa pensa pa innova. Na final di dia, locual bo no paga na pensioen, bo tin hopi chance di bay pag’e despues na onderstand.
TRAHADO LOCAL
Por lo general, un persona local tin un pensioen casi completo. Casi tur e personanan naci na Aruba tin un pensioen di AOV completo. Esunnan cu tin’e corta, tin biaha tin uno adicional, door cu nan a biba na Hulanda. Nan tin derecho ariba esaki, ariba un otro AOV den Reino. Por lo general, e Arubiano ta traha por lo general den e sector Publico, Financiero, Bancario, cu tradicionalmente caba tabata tin e sistema di areglo di pensioen caba. Nan tin un entrada cu por wanta ora nan pasa di ta trahado pa un pensionado. E trahado migrante ta wordo totalmente manda den sectornan di economia, unda cu e LAP cu a wordo introduci na 2011, cu a bira obligatorio pa nan tin pensioen. Pero ainda tambe, no tin garantia cu tin pensioen, pa motibo cu e supervision ariba implementacion di ley, ainda no ta regla. SVB a haci peticion na gobierno, pa ta supervisor, y nan ta di un decision di gobierno di esaki. Nan ta kere cu como supervisor, nan lo percura pa cada trahado tin un pensioen na final di dia.