E nivel di awa di Aruba, den bista di Departamento di Salud Publico esaki ta un di e miho awa segun Sra. Geerman ta splica.
Aruba mester ta hopi orguyoso di nos awa, nos tin un di e mihonan di mundo y esey ta loke hopi hende no ta para keto ariba esaki. WEB ta esun cu ta responsabel pa e awa, pero Departamento di Salubridad Publico, conhuntamente cu WEB, ta controla ariba e tereno di bacteriologico y micro organismo.
WEB ta haci esaki ariba tereno di kimico, pero e ta wordo controla rutinariamente tur luna. Pa locual ta e awa potabel, esaki ta wordo controla tur luna. Departamento di Salubridad Publico ta monitor y supervisa e calidad di awa, Sra. Geerman a finalisa bisando.