E aña aki lo tuma luga un biaha mas e ASU Olimpiada. Aruba Sport Unie ta cla pa mira federacionnan/clubnan competi contra otro sanamente y den un ambiente deportivo.
E apertura di e ASU Olimpiada 2016 lo ta dia 30 di October proximo pa 5:30 di atardi na Stadion Guillermo Prospero Trinidad, Dakota. Directiva di ASU ta informa federacion of clubnan cu ta miembro di un federacion pa presencia e apertura aki.
Lo bay tin manera tur aña un defile di e federacionan e aña aki e atleta, scolnan y team di aña cu a wordo honra den Premio Excellente di Deporte 2016 lo forma parti di e defile. Tambe nos atletanan cu a participa na RIO den Weganan Olimpico y Paralimpico a wordo invita pa forma parti di e defile.
Aruba Sport Unie pa medio di esaki kier a invita clubnan cu ainda ta desea pa forma parti di e aprtura por tuma contacto ASU na tel. 585-4071 of manda mail na [email protected] cu nan informacion.
Despeus di apertura lo bay tin competencia di atletismo (estafette) y sigui pa competencia di futbol.
Directiva di ASU ta invita comunidad di Aruba pa presencia e apertura di ASU Olimpiada pero tambe tur e competencianan deportivo cu lo tuma luga durante e Olimpiada aki. E clausura lo ta dia 20 di November pa 5:30 di atardi na Centro Deportivo Betico Croes, Santa Cruz.