Aruba Softball Bon ta cerando aña 2016 cu un Torneo Fast Pitch Femenino cual lo inicia diabierna awor 25 di November riba veld di Dragon Hitters na Barcadera. Un total di 4 ekipo lo hunga 12 wega unda number 1 y number 2 lo hunga un solo wega di final 4 di December. Fechanan ta programa 25, 26, 27 di November y 2, 3, 4 di December. Ekiponan cu a confirma nan participacion ta Jaguars, Tanki Leendert Girls, Aruba Bank Lady Tigers y un ekipo cu atletanan hopi hoben bou nomber di Rebels. Diabierna 25 di November prome wega ta programa pa cuminsa 6:30pm. Fanaticada bo ta keda cordialmente invita. Bin apoya nos hala femenino. Softball den pleno desaroyo.