Aruba Soccer Academy ta organisa tremendo camp di 5 dia durante Oktober vakantie pa hobenan entre 6 pa 16 aña.
ASA no ta un nomber desconosi den e mundo di futbol hubenil na Aruba, como e training academy mas grandi di futbol cu tin na Aruba actualmente y cu soccer camps cu ta sold out tur aña atrobe.
Motibo pa e gran popularidad ta e calidad di training, e guia experto di coachnan certifica y sobre todo e atenshon pa e muchanan. Asina tur mucha atrobe lo haya inclui den nan prijs di camp un uniform completo cu shirt, short y meya di e marca Europeo Robey cu dryfit pa yuda tene e muchanan comodo den e clima calor di Aruba. Tambe danki na diferente sponsornan tur aña ASA por ofrese muchanan snack saludabel durante e training pa yuda tene nan yen energia y animo. Tambe ASA su coachnan ta conoci pa trese animo y hopi ambiente durante training cual ta pone cu e muchanan tin un experiencia inolvidabel.
Aruba Soccer Academy ta contento di por ofrese nos hubentud fanatico di futbol e oportunidad di haya training durante vakantie, unda cu sigur esaki lo duna un aporte nan nan desaroyo como futbolista.
E camp lo tuma lugar di 1 pa 5 di Oktober, trainingnan lo ta di 9 am pa 12 di merdia. Tur participante lo ricibi un snack saludable durante training y suficiente likido pa refresca nan mes cu un light lunch na final di training. Prijs pa participacion ta Afl 200, cual ta inclui tambe e uniform completo di marca Robey cu ta wordo usa pa clubnan professional na Hulanda. Cupo ta limita, ASA ta invita tur mucha pa inscribi lo antes posibel pa no keda afo!
Pa mas informacion por tuma contacto cu ASA via Whatsapp na 592-5235 of por manda un email na [email protected]