Director di Aruba Ports Authority (APA), Sr. Jossy Figaroa a splica mas ariba e tema di turistanan crucero. Sr. Figaroa a bisa tambe, cu pa fin di otro siman, APA lo ta na Merca un biaha mas, pa combersa cu e lineanan crucero, scucha nan inkietudnan.y esaki ta bayendo hopi bon.
Tambe ta wordo bisa cu turistanan cu ta bin awendia, no ta turistanan cu ta cumpra mucho manera antes. Sr. Figaroa ta di opinion cu mester tene cuenta cu kico hendenan ta cumpra , ya cu smaak di turistanan ta cambia. Mester cambia di producto. Si bo kier bende, bo mester ta innovativo di locual bo ta ofrece y no kere cu turistanan lo keda cumpra cosnan di p.e. 30 aña pasa ainda.
Den e survey di ATA ta mustra ariba kico mester traha y esey ATA ta traha, pa nan haya material pa nan fiha nan maneho. Aworaki ATA ta puntra e turistanan, su experiencia di Aruba, y kico asina lo mester cambia na productonan na Aruba.
P.e. aunke tin casino riba barco, nan ta haya cu e casinonan ta algo cu mester traha ariba dje. Tin hopi mas puntonan cu, a base di survey, lo mester traha ariba esakinan. E parti di turistanan crucero, lo keda stabiel. Y esaki ta un punto hopi positivo pa Aruba.