Odile van Aanholt di 19 aña y Nicole van der Velden di 22 aña a clasifica na Hyères, Francia pa e ronda final di e Sailing World Cup cual lo tuma luga mas laat den e luna di Mei na Santander, Spaña. Den e Olimpiada klasse 49er nan a zeil cu scorenan stabiel pa sorpresivamente keda na di 6 luga den OVerall. Cu un total di 10 clase Olimpico, un total di 541 balandrista a participa den e Copa Mundial na Hyeres.
E team 49 FX cu capitan Van Aanholt y tripulacion Van der Velden ta nabega desde mita di Februari hunto y ya caba nan ta den e topnan mundial. E periodo cu a pasa nan a traha hunto cu e coach Spaño Victor Paya ariba tecnicanan di nabegacion specifico cu mester den e categoria 49er FX.
Despues cu na April nan a competi den e Medal Race di Trofeo Princesa Sofia ( ultimo careda pa solamente e top 10nan di e evenemento) aworaki nan tin nan di dos Medal race. E rookienan den e categoria 49er FX awor a subi for di puesto nr. 70 pa puesto nr. 32 riba e Ranking Mundial.