Aruba Marriott Resort recientemente a lansa un sistema nobo cu ta yama ‘Next Gen Housekeeping’ cual ta un programa cu ta asisti e team di Housekeeping pa planifica nan schedule mas miho y asina asigna e cambernan mas rapido.
E programa ‘Next Gen Housekeeping’ ta un manera mas eficiente pa e team di Housekeeping priorisa e cambernan di hotel pa por brinda un servicio mas rapido pa nos huespednan. Actualmente, na diferente hotel e comunicacion durante oranan di trabou entre e asociadonan di Housekeeping cu e manager y supervisornan ta limita caminda cu e manager mester bishita e piso di cambernan frecuentemente pa asina verifica si e cambernan ta cla pa e siguiente huesped cu lo ta kedando. Cu e programa nobo, e asociadonan di Housekeeping por duna nan manager of supervisor un update en cuanto e cambernan cu ta cla pa uza. Cada asociado di e team di Housekeeping tin un iPod caminda cu por categorisa cada camber a base di prioridad, asigna e cambernan cu ta pa VIPs y tambe esnan cu ta cla pa wordo asigna na huespednan cu ta check-in. Adicionalmente, e asociadonan por maneha diferente peticion y preferencianan di huespednan, priorisa cambernan cu mester ta cla prome pa asina e team di Front Desk por asignanan eficientemente y tambe por raporta cualkier problema cu por tin. Por ultimo, e manager y supervisornan por comunica cu e asociadonan pa asina verifica e status di cada camber. E programa aki ta uno ideal pa motibo cu e ta facilita e comunicacion entre e asociadonan y manager y supervisornan pa asina por brinda un servicio mas mihor y aumenta satisfaccion di e huespednan nan estadia. E asociadonan ta sinti nan mes hopi mas sigur di por brinda un servicio mas rapido y alaves e programa aki ta un manera pa stimula e asociadonan pa sigui haci nan trabou excelente y wordo reconoci pa esaki.
En conexion cu e introduccion y reconocimiento di e asociadonan di Housekeeping, Aruba Marriott a celebra Housekeeping Appreciation Week yena cu diferente actividadnan divertido y relahante pa mustra su aprecio na su asociadonan pa nan dedicacion durante e aña.
Housekeeping Appreciation Week a inicia Dialuna mainta September 12, 2016 na unda e asociadonan tabata bisti na oranje y por a disfruta di un sabroso breakfast buffet na Aruba Marriott su Grand Ballroom. E asociadonan conhuntamente cu Aruba Marriott su team ehecutivo a participa den un actividad di momia caminda cu e asociadonan mester a lora cada miembro di e team ehecutivo den papel y decora cu otro articulonan pa asina completa nan ‘Mummy Look’. Ariba Diamars, Diaranson y Diahuebs, e asociadonan por a pasa un dia hunto cu nan coleganan na Baby Beach caminda cu tabata tin diferente actividad pa nan. Pa finalisa e siman, Aruba Marriott a organisa un Bingo pa tur su asociadonan di Housekeeping por participa y alavez por a gana premionan tremendo na Stellaris Casino.
Housekeeping Appreciation Week 2016 tabata uno divertido y exitoso, caminda cu Aruba Marriott su Housekeeping team por a disfruta di un siman ameno y por a sinti e aprecio cu Aruba Marriott tin pa nan pa tur loke cu nan ta haci.