Aruba Softball Bond a extende un invitacion den luna di Mei ultimo na federacion di Softball di Republica Dominicana pa un ekipo cu hungadonan di seleccion por ta na Aruba 17 di Augustus y asina hunga e “openingsgame” contra selecion Masculino kendenan a caba di regresa di Monteria, Colombia. Den transcusro di luna di Juni y Juli a hasi hopi trabounan preparatorio alrespecto entre otro documentonan pa regla visa pa e equipo aki por ta na Aruba. Diabierna ultimo a keda confirma cu e equipo a logra haña nan visa y lo ta aterisando Aruba diahuebs proximo pa asina prepara debidamente pa enfrenta seleccion di Aruba. Seleccion di Aruba a caba di regresa for di Monteria di un competencia di CONSURSA y lo keda hunga weganan di fogeo segun cu tin e oportunidad pa mantene nan mes den drive. Pues Republica Dominicana “Los Propios” contra Selecion Masculino di Aruba diabierna awor. E wega ta programa oa cuminsa net despues di e programa protocolario y e desfile esta pa 7:45pm. Un boca bisa otro y bin apoya boso atletanan diabierna awor.