Aruba Karate Bond ta trahando duro pa cumpli cu nan metanan poni y sigur un di nan ta pa hisa e nivel di e deporte di combate na Aruba y engrandece e conocimento di nan coachnan cu ta traha cu e atletanan di karate. Pa e motibo aki tambe a dicidi di trece un experto internacional Aruba den persona di Sensei Andres Silva di Chile, kende su specialidad ta kumite. Lo organisa algun entrenamento y seminario unda Sensei Silva Silva lo trata e tecnicanan di kumite cu e diferente participantenan.
E seminario lo ta uno completamente gratis pa tur karateka. Lo tin un plan di entrenamento special cu Sensei Andres Silva lo dedica na djeden e entrenamento nan. Pa loke ta e fechanan esaki lo inicia dialuna 12 di December y lo termina diabierna 16 di December.
Un danki sigur na Lotto, e Loteria di Aruba pa medio di Comision di Subsidio cu a yuda cu e subsidia di e entrenamento y seminario presenta pa Aruba Karate Bond cu Sensei Andres Silva Silva di Chile.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.