Aruba Flight Academy ta cuminsa ofrece programa profesional di training di piloto aki na Aruba.
E creciente demanda mundialmente pa pilotonan ta poniendo hopi presion ariba companianan di aviacion internacionalmente. Escases di Pilotonan tin como resultado cancelacion di vuelonan cu tin como consequencia perdida di entrada pa companianan. Hopi companianan di aviacion ta buscando Pilotonan di tur parti di mundo.
Aruba Flight Academy ta un school di piloto na Aruba cu ta organisa y ofrece tur persona cu ta interesa di bira un Piloto e preparacion necesario pa por yega na bo Pilot’s license, di Private te cu Commercial. Aruba Flight Acadamy ta traha den cooperacion cu otro schoolnan na Florida caminda studiantenan por sigi cu e parti practico e cantidad di oranan di vuelo cu un persona mester pa asina por finalisa su examen y certificacion.
Aruba Flight Acadamy ta dedica na guía y prepara tur persona di e parti theoretico aeronauntico te cu vuelonan como Piloto priva, IFR Rating, Multi-Engine, y Piloto comercial.
Diasabra 23 Juni, 7:00-9:00 pm na Casa del Mar Hotel den e “Frank Conway Room” Instructor y pilotonan lo ta dunando un anochi di informacion y lo splica con e programa nobo di Aruba Flight Acadamy ta hinca den otro. Instructornan lo duna splicacion di e contenido di e programa y lo bay tin tambe tanto Pilotonan Priva como pilotonan Commercial presente, tambe varios CEO di diferente Airline den region cu lo yuda contesta cualkier pregunta y duna mas splicashon di e carera den aviacion como piloto, y e bida trahando como pilot etc.
Aruba Flying Club tambe lo ta presente y tambe lo duna un splicacon di su experiencianan den guía hopi pilotonan jong cu aworaki ta bulando full rond di mundo.
Entrada ta gratis, y mester R.S.V.P. pa por sigura cu nos por prepara stoel y refreshment pa tur hende cu bin. Lo tin brochure di nos programa, cu despues tambe lo wordo poni ariba nos website www.aribaflightacademy.com cu lo wordo lansa dentro di poco.
Si bo soño ta di bira un piloto, bin join nos y tende directamente di instructornan, Pilotonan profesional y kico ta e diferente programanan cu Aruba Flight Acadamy ta ofrece y kico bo mester pa por por participa na un preparacion profesional.
Si bo no por make it, bo por semper contact Aruba Flight Acadamy via nan e-mail [email protected] of telefonicamente via +297-567-4889.
Pa por pasa e certificacion theoretico un persona mester tin at least 15 aña y pa por cumpli cu e cantidad di ora nan di training di vuelo y pa e certificacion practico e persona mester tin at least 17 aña, y mester por papia Ingles na e level clasifica como Climb Level 4. Tambe bo mester pasa un medical exam clasifica como FAA class 3 minimo pa Private Pilot y FAA Class 1 y 2 pa Commercial Pilot.
Aruba Flight Academy lo ta ofreciendo diferente programa manera e.o. Private Pilot Course, IFR Instrument rating, Multi-Engine, Commercial y varios otronan.