Aruba Dolphins campeon den Campeonato Arubano di natacion un biaha mas

0

Despues di 4 dia intenso di competencianan di natacion e ekipo di natacion mas grandi di Aruba, esta Aruba Dolphins un bes mas ta demostra cu como ekipo no tin pa igual’e.
Pa mas cu 25 aña consecutivo Aruba Dolphins ta logra e titulo di Ekipo Campeon y ta keda demostra cu union ta hasi forsa.
E Campeonato Arubano di natacion cu a tuma luga riba dianan 1, 2, 3, y 4 di Juni 2017 ta e campeonato mas importante riba e calendario anual di eventonan di Arubaanse Zwembond y ta contene tradicionalmente tur evento y distancia. A competi den e siguiente categorianan: 6 aña y menos, 7-8 aña, 9-10 aña, 11-12 aña, 13-14 aña, 15-17 aña, y 18 & mas.
Despues di un “slow start” e ekipo completo di Aruba Dolphins a percura pa na caminda elimina tur duda cual club ta esun di mas fuerte. Di un forma convincente e 73 landadonan di Aruba Dolphins a percura pa acumula e cantidad di 3102 punto. E segundo luga a keda pa Stingray Swimming cu 2803 punto y terce lugar a bay pa Sports 4 U cu 262 punto.

Esunnan cu a logra acumula mas punto den nan categoria tabata:

Categoria 7-8 aña femenino: 2nd place Aliyah Estrada, 3rd place Cristal Uribe Palomino
Categoria 7-8 aña masculino: 3rd place Ryel Bisslik

Categoria 9-10 aña femenino: 2nd place Liv Farro
Categoria 9-10 aña masculino: 3rd place Braynsly Dirksz

Categoria 11-12 aña femenino: 1st place Gabriela Gordon
Categoria 11-12 aña masculino: 3rd place Arvid Farro

Categoria 13-14 aña femenino: 1st place Gwennandy Kock, 2nd place Chloe Farro
Categoria 13-14 aña masculino: 1st place Lucien Peterson

Categoria 15-17 aña femenino: 2nd place Elisabeth Timmer

Categoria 18 & older femenino: 3rd place Rebecca Maduro
Categoria 18 & older masculino: 2nd place Renze Postma

Durante e Campeonato Arubano 2017 e landadornan di Aruba Dolphins a logra kibra 3 record Arubano.
Den categoria 15-17 femenino den 200 Medley Relay e equipo consistiendo di Elisabeth Timmer, Junice Martin, Florence Kock y Nayeli Tromp.

Den categoria 18 & older masculino den 400 Freestyle Relay e equipo consistiendo di Davy Bisslik, Francisco Goedgedrag, Tyreke Wernet y Renze Postma.

Den categoria 18 & older masculino den 200 Freestyle Relay e equipo consistiendo di Francisco Goedgedrag, Tyreke Wernet, Davy Bisslik y Renze Postma.
Pa loque ta e medaillanan Aruba Dolphins ta logra bai cu mas medailla, esta 251. Di esaki 83 tabata oro, 90 plata y 78 brons.

Directiva di Aruba Dolphins kier a felicita tur su landadornan y coachnan Roly Bisslik, Ynocente Chacon, Francisco Goedgedrag, Luz Maduro y Tyrine de Kort.

Alavez directiva ta gradici tur e mayornan y tur esnan cu a yuda pa logra e titulo e aña aki atrobe. Pa mas informacion y portret bishita www.arubadolphins.com

LEAVE A REPLY

Please enter your comment!
Please enter your name here