Recientemente e federacion di ahedres a organisa nan di 12 edicion di e prestigioso “Aruba Chess Challenge”, e torneo internacional di ahedres mas grandi riba nos isla.Un bes mas La Cabana Beach Hotel & Casino a host e torneo cu e conta cu participacion di Corsow, Venezuela y Aruba. Durante 4 dia largo di competencia a bataya den 3 diferente categoria caminda tanto Venezuela y Corsow a bini Aruba 4 hungador cada uno.
Remarcabel ta cu den e categoría U-12, tabata tini un participacion record di 37 participante.
Como e campeon di Aruba Chess Challenge 2017 a keda corona un hoben di Venezuela Mauricio RamirezGonzalez cu su apenas 16 anja di edad. Notabel ta cu Venezuela a bay cu e prome tres lugarnan den e Aruba Chess Challenge 2017 categoriaOpen. Mester bisa cu Aruba a score bon den e categoría U-18, cu Eldrick Donata terminando na un prome lugar cu 6 ½ punto for di 7 partido. Na di dos lugar a keda Ethan de Lange y AydenDirksz cu a keda empata cu 5 puntofor di 7 partido. Den categoría U-12, e hobencita ThamaraSagastegui di Aruba a logra e prome lugar cu e score 8 ½ punto for di 9 partido. E federacion di ahedres sigur por mira tras riba un otro exitoso torneo internacional di ahedres na Aruba cu un total di 69 participante.
Un danki sigur na Lotto, e Loteria di Aruba pa medio di Comision di Subsidio cu a subsidia e exitoso torneo internacional Aruba Chess Challenge 2017 organisa pa e federacion di ahedres.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.