Aruba Certification Program cu Kids Camp: Turista riba mi isla

0

E aña aki Aruba Certification Program lo organisa e di dos camp pa mucha den luna di July.
E meta di camp ta pa nos mucha nan siña mas di Aruba y su turismo den un manera interactivo.

Durante di e camp nos lo trece dilanti mas di nos historia, cultura, con Aruba a wordo forma, flora y fauna y tambe con nos turismo ta hinca den otro.
Tur esaki lo wordo haci por medio di bishita door di diferente excursion nan. Nos lo bishita Parke Arikok pa siña mas di nos naturalesa, nos lo bai Casa del Mar cu e mucha nan pa nan wak cada funcion di cada departamento, tambe lo tin tayernan di musica y mucho mas pa nan siña di nos cultura.

E camp ta pa mucha nan di 9 – 12 aña di edad. E lo ta pa un siman completo y henter dia desde 9 di July te cu 13 di July. E camp tin un costo di Awg. 75,- cu ta inclui transporte y cuminda. Na final di e camp educativo aki, cada mucha tin mas informacion detaya y clave di nos isla y esaki na su bes lo haci cada un desde un edad hoben un embahador di Aruba.

Mayornan cu ta interesa por pasa nos oficina pa registranan yiu(nan) na L.G. Smith Boulevard #388, of tambe por manda un email na [email protected] pa haci esaki.
Por tuma contacto cu nos tambe na 280-2924 si acaso tin algun pregunta.

Comments

comments