Recientemente a tuma luga na Galion Beach na e banda frances di St Maarten un competencia di outrigger canoe tipo OC4 esta pa 4 persona. Den e competencia a participa un total di 42 team di diferente pais. E team nan di Aruba a participa den categoria di hende homber, hende muher como tambe mixed. Esaki tabata un oportunidad perfecto pa midi nan mes contra otro ekipo nan internacional y wak con e nivel na Aruba ta bou presion di un competencia oficial.
Despues di a bataya fuertemente riba lama tanto e team di hende hombre como e team di hende muher a logra bay cu e di 3 luga den nan categoria. E team di hende homber a sa di pone e di dos miho tempo di henter e weekend den e prome ronde pero a cay venci den semifinal. Tur a bin bek Aruba cu ainda mas motivacion pa sigui practica e deporte aki y prepara pa bay otro aña atrobe caminda cu ta premira cu e competencia lo sa di crece bira mas grandi.
Aruba Canoe kier a duna un pabien na su miembronan cu e tremendo representacion cu a duna den exterior. Alabes nos kier invita un y tur pa pasa y join nos den e dushi deporte acuatico aki di Outrigger Canoe. Lesnan ta di dialuna pa diabierna 6:00pm pa 7:00pm na Governer’s Bay net banda di West Deck Island Grill. Pa mas informacion por yama nos na 733-8058 of bishita nos website ArubaCanoe.com.