Aruba Basketball Bond ta anuncia e promer torneo national di 3X3 basketball sactiona door di FIBA.
Na February 2016 Aruba Basketball Bond a ricibi e grato noticia di The International Basketball Foundation (IBF) cu e anja aki e fundacion lo host un torneo international di 3X3 basketball pa e categoria hubenil pa mucha homber y mucha muher naci den e anjanan 1999, 2000, 2001.
Un invitacion a sali pa differente paisnan den Caribe pa asina tur paisnan invita mustra interes si nan lo kier forma parti di e torneo international di
3X3 basketball.
Aruba Basketball a dicidi pa mustra interes pa participa den e torneo aki y despues a ricibi e grato noticia cu Aruba a cay den e selection di e 10 paisnan cu lo ser admiti den e Campeonato.
Participation den e torneo ta rekeri di cierto conditionan pa nombra algun: Aruba mester a apunta un coordinador national pa 3X3 basketball. Esaki a keda responsibilidad di sra. Valeska Milton. Sra. Valeska Milton mester a atende un curso mandatorio na Puerto Rico pa asina e wordu poni na altura di e differente reglanan cu tin pa e wega di 3X3.
Un otro condicion ta cu Aruba mester tene un torneo national di 3X3 pa escohe e atletanan cu lo participa; no por djies manda representantenan.
Asina Aruba Basketball Bond a cuminsa planea pa tene un torneo national di 3X3 pa asina cumpli cu e rekesitonan.
Aruba Basketball Bond lo tene su torneo 3X3 basketball riba fechanan 14, 15 y 16 di October 2016.
E torneo aki lo ser teni na Centro Deportivo Betico Croes y participacion ta habri pa tur hende cu ta interesa pa participa kiermen no mester ta afilia na niun organisacion di basketball na Aruba.
Por traha team escolar pa participa den e torneo aki tambe.
Categorian lo ta pa mucha muher y mucha homber:
U11 (2005,2006 & 2007)
U14 (2002,2003 & 2004)
U17 (1999, 2000 & 2001)
Adulto Open class (1998) 18 anja bai ariba
Un team por consisti di maximo 4 atleta.
Prijs di registracion ta Afl. 10 florin pa cada atleta.
Pa registracion por pasa na differente clubnan miembro di Aruba Basketball Bond por ehempel Estrella, Aruba Jrs, tambe na IBISA San Nicolaas.
Via Facebook di Aruba Basketball Bond por ricibi tur informacion tocante e torneo, Aruba Basketball Bond ta post differente informacion riba nos pagina. Entre otro e regla nan di e 3X3 cual ta hopi importante.
Tambe por manda mail pa [email protected] pa registra.
Aruba Basketball Bond tin planea pa tene 2 dia di registracion (live). E promer dia lo ta Diasabra awor ( 24 di September) na IBISA San Nicolaas horario 2pm te cu 4pm. E otro lo wordo anuncia despues.
Riba e dia aki tambe lo tin e oportunidad di hunga un trial game cu un di e basketball official di e wega di 3X3.