Sra. Idelle Orman-Hernandis, Secretaria y Mercadeo den board di commission Aruba Baseball Classico 40+ a hiba un entrevista cu pelotero Patrick “Tula” van Heyningen cu ta hungado actual di Team SURPRISE Baseball Clasico 40+ y su persona a logra keda selecciona den Team Aruba 1 cual weganan lo tuma luga na Aruba for di 6 – 8 October den Torneo Uniendo Naciones Serie del Caribe no. 14.
Patrick ta naci Maart 17, 1964 na Aruba, su Isla cu e ta stima hopi, y a hunga desde edad di 5 aña e deporte baseball. Su teamnan cu e la participa aden y manager of coach cu e ta recorda ta:
Berlinski (LL), La Comodidad (SR) , Battery Boys, Panama Store, Coca Cola Rangers, Banco di Caribe y di cual e ta corda algun di su dirigentenan tambe, Sr. Wilfred Stroop, q.e.p.d. Sr. Junior Martinus, Sr. Eddy Banfield, Sr. Josito Muyale , Sr. Wally Mohamed, q.e.p.d. Sr. Martina. Posicionnan ariba tereno di baseball hunga pe ta CenterFiled , Pitcheer, Primera, Outfield, dus e tabata un Utility Baseball Player, unda nan tin mester di su bon fildeo Patrick ta hasi esaki cu hopi pasion. Debi di ta un bon pelotero Patrick a hunga pa varios seleccion pero tambe a subi y bira un Prof Baseball Player. Su persona a hunga na aña 1981 Koningkrijks Spel cu seleccion Antiyano contra Hulanda y nan a bira Campeon. Di eynan door di empuhe di Eddy Tromp cu tin e conexion den Baseball na Hulanda madre Patria el a sa di emigra pa hunga Nederland Top Sport Baseball cu entre otro Team PSV, Quick Amersfoort y a hunga tambe den seleccion Europa Cup cual na aña 1996 nan team a titula Campeon y su persona a Sali Home Run Champ. Su carera a destaca na Merca tambe unda e la hunga pa USA Baltimore Orioles pa dos (2) aña Prof y tambe a hunga cu Minesotta TWINS Mjl. Diregentenan cu e ta corda na Hulanda ta Sr. Tony Rombley y Sr. Richard Simmons. Na aña 2003 su persona a bolbe Aruba pa establece su mes aki el a bin hunga pa Baseball ABBA AA cu team Coastal bou maneho di Sr. Alex Falconi. Su persona a hunga 1 aña solamente AA y a laga esaki pa e hunga Softball cual ta su segundo deporte preferi. E aña aki, 2016 su persona a wordo acerca pa Rock Angela pa e inscribi y hunga BASEBALL Clasico 40+ cual el a evalua y a re-integra den su Top Sport Baseball y a hunga pa team SURPRISE/Aruba Video Center, cual e a participa cu gusto, Hitnan ta cay na ordo, Pitcheo formidabel el a lansa y claro na Primera Base cu e estatura halto cu Patrick tin ta casi imposibel pa bateado por yega safe na primera.
Patrick su famia a crece y su yiunan actual ta hungando e deporte di Top Sport Basketball na Hulanda, nan nomber ta Myron y Megan van Heyningen y su otro dos yiunan di criansa Rudy Boy Angela y Angela Angela ta hungando na Hulanda futbol. Dus su decendencia ta un famia deportivo total. Esaki ta un di nos Prof Player Arubiano cu nos a trece su Historia pa Pueblo en general por lesa y reconoce e pelotero aki riba tereno e weekend aki na weganan di Torneo Uniendo Naciones organisa pa Directiva di Aruba Baseball Clasico 40+. Pueblo yega stadion pa apoya nos gran peloteronan.
Schedule pa weganan: Stadion Nadi Croes/Crismo Angela
Oct 6: 7 PM – Aruba Team A vs Colombia
Oct 7: 4:30 pm – Colombia vs Aruba Team B y 7 PM – Aruba Team B vs Aruba Team A
Stadion Joe Laveist San Nicolas
Oct 8: 3 PM – Aruba Team A vs Aruba Team B y 6 PM – Wega Final
Aki lo tin un partido di DOMINO tambe.