Luna di October ta luna di conscientisacion riba cancer di pecho. Den cuadro di e lucha aki, Aruba Bank un biaha mas ta hopi orguyoso di por sigui duna sosten na Mary Joan Foundation. Cancer di pecho ta un malesa cu ta afecta hopi hende muhe como tambe hende homber rond mundo y Aruba no ta un excepcion. Pa por sigui combati e malesa aki conscientisando nos comunidad mester di fondo.
Pa e motibo aki, Aruba Bank a haci entrega di un check di Afl. 5000.- na Mary Joan Foundation. Nelleke Cardenas, Senior Marketing Officer di Aruba Bank a entrega e check na Arabella Reyes di MJF durante un bishita haci na e fundacion na Sabana Blanco.
Aruba Bank durante hopi aña ta sostene fundacion y institucionnan cu ta sirbi nos comunidad. Aruba Bank ta probecha e oportunidad pa gradici henter comunidad pa e sosten brinda na Mary Joan Foundation den su lucha pa combati y conscientisa riba cancer di pecho na Aruba.