Manera ya ta un custumber tur aña, durante temporada di vakantie grandi, UNOCA ta organisa “Arte Activo Kids Camp”, na Scol di Arte, na San Nicolas.
E aña aki e camp lo ta inclui pintamento, obra di man, baile tipico, canto, poesia, actuacion y motivacion, movecion y nutricion.
E camp lo tuma lugar dianan 10 te cu 14 di Juli y ta diseña pa muchanan di 6 te cu 11 aña di edad. Cu e camp aki, UNOCA kier duna e muchanan e chens pa explora diferente areanan artistico pa asina yudanan wak na unda nan talentonan por ta.
Pa mas informacion por tuma contacto cu Scol di Arte na 584-9168 of manda un e-mail na [email protected] pa registracion. Tuma na cuenta cu registracion ta sera dia 3 di juli. Cuponan ta limita, pues inscribi bo yiu awe mes!
Keda pendiente pa informacion tocante nos Arte Activo Youth Camp cu lo tuma lugar dianan 17 te cu 21 di Juli pa hobennan di 12 te cu 17 aña.