CANBERRA, Australia- Diamars, e Arzobispo Philip Wilson di 67 aña a wordo haya culpabel di a sconde un caso di abuso sexual contra un mucha homber. E caso di abuso a sosode na 1971, segun The Australian.
Ministerio Publico a alega cu Arsobispo tabata sa di e pastoor pedofiel James Patrick Fletcher, cu a fayece den prizon na 2006. Fletcher a abusa di un misdienaar, di 10 aña. A pesar di tabata na altura di e delito, Wilson no a denunci’e na polis.
Wilson lo permanece den libertad bou di fiansa te ora e wordo sentencia. E Arsobispo, cu ta sufri di Alzheimer, ta enfrenta na dos aña di prizon.