Diabierna mainta trempan e oficialnan di Arrestatie Team bou ordo di fiscal di Ministerio Publico a drenta un cas na Mabon relaciona cu un homber cu tin arma di candela den su poder. E homber ta e sospechoso principal den e tiramento na Mabon riba 6 di Juni, unda parti merdia docente di SPO scol hunto cu studiantenan a bay haci deporte na e veld na Mabon. Pero den esaki a scucha algun tiro y a core bandona e veld bay direccion e scol bati alarma.
https://www.facebook.com/masnoticia/videos/1684076698296578/
Tabata tin testigonan cu lo a mira e sospechoso sali di cas los e tiro, pero e tiro no tabata dirigi na e hobennan. Pero tog esaki a pone cu recherchenan a investiga e caso completo pa gara e sospechoso y saca afo di unda el a saca e arma y kico tabata e intencion di e tiramento. Recherche di San Nicolas y fiscal di Ministerio Publico a presenta despues cu e homber a keda deteni y asina drenta e cas pa busca evidencianan.
Polisnan ta trahando duro dia te anochi pa asina resolve cualkier tipo di casonan mas pronto posibel na esnan cu ta haci nan mes sospechoso den cualkier tipo di crimen.