Relaciona cu un bululu cu a surgi diasabra anochi den area di Compananshi unda tabata tin bringamento y a termina na destruccionnan. Manera polis a tuma dato na un cas na Reamurstraat, esnan cu nan auto yaris a keda destrui a bay na un cas na Nobelstraat y los tiro segun habitantenan a raporta na Polis.
Tabata un persona conoci pa husticia O.T, cu a bira victima di destruccion di su auto y nan no a keda contento y cu el a bay busca problema. Oficialnan di Arresta Team tabata riba nan patruya buscando sospechoso, a bin topa cu e yaris berde den area di Compananshi. E sospechoso a intenta di huy pero nan a logra para esaki y a bay over na detene e cabayero. E tabata compaña cu un dama, e oficialnan a listra den e auto wak si por a topa cu arma. E sospechoso a keda hiba warda pa duna cuenta na sub fiscal.