Diahuebs 17 di Augustus 2017, durante entradanan hudicial, a bin haya 6 arma di candela ilegal y municion. Ta trata di arma di candela, cashi pa warda bala (patroonhouders), 1 handgranaat, 2 uniform di polis, 1 uniform di militar . Tambe a confisca articulonan di importancia.
E entradanan hudicial mainta y merdia na 3 adres no a duna resultado. A base di informacion nobo a continua cu buskeda atardi den e mesun area na unda a descubri e articulonan menciona. Fiscal di Ministerio Publico na e momentonan aki no ta descarta mas entrada hudicial den e caso aki.
E accionnan di diahuebs a keda ehecuta pa funcionarionan di polis di KPC cu a haya sosten den esaki di un team specialisa di buskeda di Defensa. E entradanan hudicial a tuma luga bou di responsabilidad y den presencia di un Fiscal di Ministerio Publico (OM).