Arkitecto di reunificacion Aleman Hermut Kohl a fayece

0

BONN, Alemania- Kohl a dirigi Alemania pa 16 aña ( for di 1982 te cu 1998). E ta wordo mira como e autor di e reunificacion di West- Alemania y Oost Alemania, despues di e caida di e muraya di Berlin.
Hunto cu su aliado, e presidente Frances Francois Mitterand, e tabata responsabel pa e introduccion di e Euro.
Hefe di e Comision Europeo, Jean Claude Juncker a duna ordo pa tur bandera di Union Europeo bula halfstok.
E canciyer Aleman, Angela Merkel, un ex- protegee di Kohl, kende despues a pidi pa su renuncia despues di un escandalo di fondonan di campaña, a bisa cu morto di Kohl ta yen’e cu hopi tristesa.
“E esfuersonan di Helmut Kohl a trece dos di e logronan mas grandi den e historia politico Aleman, di e ultimo decadanan: e unificacion di Alemania y union di Europa”, Merkel a bisa. “Pa Helmut, e dos cosnan ey tabata inseparabel”.
Kohl a muri na su cas, den e estado Oeste di Rijnland- Palatinate.
E tabata lidera e Cristian Democratanan, y tabata e canciyer cu mas a keda den e cargo, den e siglo 20. Kohl tabata kere profundamente den un Europa uni, el a persuadi e Alemannan, pa renuncia na nan Marco Aleman stima, na fabor di un solo union monetario Europeo.
Na Inglatera, e ta wordo recorda pa su diferencianan over di Union Europeo cu ex- Prome Minister Britanico, Margareth Thatcher.
Na Francia, e ta e lider cu a tene man cu Mitterand den e memorial service di Verdun na 1984, recordando e di 70 aniversario di Prome Guerra Mundial.
Pero pa e Alemannan, e ta mas cu tur cos, e homber cu a reunifica un pais, dividi pa e podernan aliado despues di e di Dos Guerra Mundial, primintiendo e Alemania -Oost, comunista, miho porvenir den union cu e West cu ta mas rico.

Fuente: www.bbcworld.com

LEAVE A REPLY

Please enter your comment!
Please enter your name here