Ciencia
MOSUL, Irak – Den e tunnelnan coba pa yihadistanan bou di e graf di profeta Jonas, na Mosul, Irak, arkeologonan a haya varios inscripcionnan antiguo cu ta mustra di e ta e gobierno di un rey Asirio, segun Live Science.
Investigadonan a haya shete inscripcion dedica na e rey Asaradon, cu tin 2700 aña di antigüedad. E graf di e profeta, cu a e figura central den Testament Bieuw y ta wordo venera tanto pa Cristiannan como pa Musulmannan, a wordo dinamita pa Estado Islamico na 2014, poco despues di e a ocupa e ciudad.
E hallazgo a wordo realisa den cuater tunel coba pa yihadistanan of nan simpatisantenan, bou di e graf. Ali Al-Juboori, director di e Centro di Estudionan Asirio di e Universidad di Mosul, a indica cu probablemente esaki tabata e manera cu e sakeadornan tabata busca tesoronan arkeologico di e reynan Asirio.
“Palacio di Asaradon, e rey fuerte, e rey di mundo, e rey di Asiria, gobernador di Babilonia, rey di Sumeria y e imperio acadio, e rey di reyenan di Lower Egypt, High Egypt y di Kush”, e leyenda ta bisa segun e investigado.
E reino di Kush tabata ubica den e region di Nubia y e inscripcionnan haya den otro luganan ta mustra cu nan lidernan durante un epoca a goberna Egipto. Sin embargo, nan a wordo derota pa Asaradon.
Otro inscripcion haya bou di e graf di Jonas ta relata cu e rey Asirio a “reconstrui e tempel di e dios Assur (e dios mas grandi di Asiria)”, a restaura e antiguo ciudadnan di Babilonia y Esagil, y el a “renoba e estatuanan di e diosnan grandi”. Di mes manera, e ta afirma cu e inscripcionnan ta brinda detayenan riba e famia di e antiguo gobernador.