MANCHESTER, Reino Uni- E gira mundial di Ariana Grande a wordo cancela, despues di e concierto na Manchester, unda cu por lo menos 22 fans a perde nan bida y 50 bishitante a resulta herida.
Segun e tabloid TMZ, e team di e cantante di 23 aña a dicidi di cancela e resto di e gira mundial, al menos e parti Europeo, Dangerous Woman Tour . Segun fuentenan cercano, e ta pa un tempo indefini.
E cantante lo mester a haci un presentación diahuebs proximo den e O2 Arena di Londres, despues sigui pa Belgica, Polonia, Alemania y Suiza. Na comienso di e luna aki di Mei, e ex- strea hubenil a duna un concierto den e Ziggo Dome na Amsterdam.
Dialuna anochi Ariana a manda un mensahe ariba Twitter, relaciona cu e tragedia na Manchester Arena, net despues di e concierto. “Mi ta sintimi kibra. For di profundo di mi curason, mi ta haya esaki hopi, hopi lamentabel. Mi no tin palabra pa describi esaki”, e cantante a bisa ariba su cuenta di Twitter.
Fuente: www.prive.nl
www.bbc.com
www.express.co.uk